Ós lèste nówts
Maandag, 30. Januari 2012
Leef Wammese en Weimeskes
1. Op zóndig 29 jan. ging tradisjioneel de “Kènjerzitting” doeër in de zaal op St. Jansberg. Auch hi-j waerde weer vuur ei sjitterend en naomiddigvöllend pregram gezörgd vuur de kleinste carnavalsveerders. Het waas ech eine triesten daag vuur Jeugdprins Daan I, mer zi-jn wi-jk en de show maakde väöl good. Es opvolger versj-ieën Jenthe I van de wi-jk Uverbieëk. Jenthe is de zoeën van André en Inge Colson - Gielen. Zi-j allemaol koste geneete van Jo de Rijck, de bèste kloonj en goochelaer van Belsj, en oos eige Roeëdkepkes en Scouts, di-j allemaol ei sjitterend pregram opveurde. De Hubertjeukes, Wiel & Baer en het hówsorkest “Jus ter Langs” zörgde vuur de muzikaal noeët. Jean-Pierre Gielen, vuurzitter en bezielen van dees zaate hermeni-j, óntving ówt han van Prins Johan I de jaormedaille vuur 2 x 11 jaor inzet vuur de Mezeiker carnaval.
2. Ouch waerde op dees zitting de nów opgerichte “Awt Jeugdprinsevereiniging van Mezeik” aan het publi-jk vuurgestèld. Alle Awt-Jeugdprinse zeen nateurlik welkom bi-j dees klub, kontak via Groeëtridder Erven.
3. Volgende groeëte aktiviteiten zeen : op 11 fibr. de Prinsereceptie en aanslówtend het Prinsebal, in het Parochiecentrum. Benówd welke sjitterende kreaties dao weer zulle geshowd wieëre.
Op 17 fibr. geit de 6de edi-jsie van het Carnavalsconcert doeër in het Cultuurcentrum Achter Olmen. Carnaval vuur het “klassieke” publi-jk wuurd dit jaor georganiseerd i.s.m. de “hermeni-j Concordia”, en geprissenteerd doeër Wiel Janssens en Hilde Smits. Gastsoliste vuur dezen aovend zeen An Lauwereins en Ivo van der Bijl. Kwaliteit, sfeer en ambiance zeen gegarandeerd.
4. Good nówts ówt versjillende wi-jke van MSK : de vuurbereidingen en het bówwe van de groepe en (prinse)wages vuur de stoet löp es einen trein. Väöl succes !
5. De verkoup van de steundri-jheuk vuur de stoet is auch gestart. Es ter nog nemes bi-j uch tóws gewaes is, kènt gieë alti-jd ein van de Groeëtridders aansprieëke (of via de site
Zondag, 22. Januari 2012
Leef Wammesse en Weimeskes,
1. Op de Groeëte Prinsenzitting waerde vurige zaoterdag vuur eine laai-jend entoesiaste en ówtverkochte Wammestempel Johan Derenette van de wi-jk Wörfeld ówtgerope tot z.d.h. Johan I, 64ste Prins van het Vorstendom Mezeik. Hae kwaam op de bühne onder einen opgemerkde Keltischen dans, gebrach doeër de Awt-Prinse. Johan is getrouwd met Karin, en haef 2 kènjer. Zi-jn leus vuur dit sezówn is : “zèng en lach nao miech, den veer iech carnaval mèt diech” ! Haezellef en alle Wammesse en Weimeskes mochte getujge zeen van ein fantastisse Prinsenprónkzitting.
Den avond waerde ge-oeëpend doeër het fenomenale Duo Owtgesloape. Ànger muzikale acts woeëre van de geweldige Romeo’s, Ziesjoem en van oos subliem hówsorkes “de Baeker hofkapel”
Charme en elegansie waerde gebrach doeër de dans- en showgroep de Broeveskender.
Vorst John pakde de eidaaflegking van 2 nów Groeëtridders Peter en Filip aaf, woeëmèt same mèt Groeëtridder Erven, de Raod van öllef weer komplieët is.
És Mezeiker inbrèng herinnere we ós vuural de Awt Prinse en de Hubertjeukes mèt hun nówste carnavalsschlagers. De Raod van Ölf bracht dit jaor met Madame Tussauds “Wasse Wammesse” aw muzikaal gloriën weer tot lieëve. Zi-j goeëve allemaol de Mezeiker kleure aan den aovond. En nateurlik waerde ózze eige carnavalsschlager van dit jaor “in carnaval zit alles” volle bak doër eederein mèt Wiel en Baer mètgezònge. “Domm & Dööl sloeëte deze sjitterenden aovend aaf met hun sjoeën kestums en zangk.
2. Op zóndig 29 jan. geit tradisjoneel de “Kènjerzitting” doeër in de zaal op St. Jansberg. Auch hi-j is vuur een sjitterend en naomiddigväöllend pregram gezörgd vuur de kleinste carnavalsveerders. Het zeen de lèste daag vuur Jeugdprins Daan I, en zi-jne opvolger is ter klaor vuur. Jo De Rijk, de bèste kloonj en goochelaar van Belsj, en nateurlik oos eige Roeëdkèpkes en Kapoene stoeën op het pregram. De Hubertjeukes en Wiel & Baer zörrege vuur de muzikaal noeët. Duure oeëpe vanaaf 13.00, inkom 3 €.
3. Zaoterdig 11 fibr. a.s. nudigt Z.D.H. Prins Johan I op zi-jn PRINSENRESEPSIE mèt aanslówtend HET VERKLEID PRINSENBAL. Doot uch nów al vuurbereide, prebeer zoeë origineel mäögelik vuur den daag te kómme óm mèt te danse mèt Z.D.H. Johan I en det nateurlik VERKLEID.
4. Dènk ter auch aan óm op ti-jd kaarte te hoeële vuur het CARNAVALSCONCERT dèt doeërgeit in het Cultuurcentrum Achterolmen op 17 fibbrewari. De vuurbereidinge zeen volop baezig. Het wuurd eine unieke muzikale aovend, dit jaor weer mèt de beste muzikante van oos hermeni-j Concordia !
5. De lèste tip vuur de nówwe Jeugdprins geit es volgt :
“mèt de Ford goeën parkeere in Mezeik….”
Vorst John
en de Groeëtridders van Het Heilig Wammes
Donderdag, 19. Januari 2012
Leef Wammesse en Weimeskes,
1. De Groeëte Prinsezitting is al op zaoterdig 21 jannewari. Zoeë-es belaof nów get extra informasie uver het top-pregram van dit jaor, samengesteld ówt Limburgse, nasjonaal en internasjonale artiste.
Ziesjoem is bi-j oos al bekènd van Zèngentaere en van de Matinee van de Awt Prinse. Leedsjes es “Lekker Menneke” en “Harrie Bombarie” zulle hel wieëre mètgezónge !. Ei professioneel dans- en showballet es “de Broevekender” ówt Bilzen maag nateurlik auch neet mangkeere ! Ein zitting zónger humor ? neet in Mezeik : Gulden Wammesdragers het Duo Owtgesloape zulle mèt zi-jn hunne sjele zeiver zelfs den druugste aan ’t lache kri-jge. Nao ei paar “organisatorische perikelen” zeen wieë hieël fier de ambiansemakers van Vlaondere : “de Romeo’s” vuur den ieërste kieër in Mezeik te kènne prissenteere. Aafslówter van den aovend en totaal nów vuur MSK is de show en zangk van “Domm & Dööl” ówt Kelmis ; laot uch verrasse !!!
Allein al vuur de Mezeiker artiste zówt ge mótte kómme : Wiel & Baer, de Hubertjeukes, de Awt Prinse, en ówteraard Prins Erven I mèt de Groeëtridders.
Het gehieël wuurd opgelówsterd doeër oos hówsorkes : de Baeker Hofkapel.
Kaarte aan 20 € zeen nog beperkt te verkri-jge aan de recepsie van hotel Van Eyck.
3. Sins de verbówing van de zaal St. Jansberg, zeen den ingangk en vestiaire nów rechts van het gebów in eine sjoeëne glaze patio. Auch de wc’s zeen volledig nów, en bereikbaar via eine uverdèkte gangk. Ówteraard geld er ein algemein roukverbod in de zaal.
Eur inkómkaart is ei genummerd polsbendsje det uvereinstömt mèt Eur plaats; wieë vraoge óm dit vuur aankoms óm te doon.
Auch dit jaor weer zal der vuur 1 oor ’s nachts némes in de zaal wieëre tówgelaote zónger dit polsbendsje ; der is einen extra tówgankscontrol väörzeen tot 01.00.
4. Op zóndig 29 jannewari stuit vuur de klein Mezeiker carnavalveerders de Kènjerzitting op het pregram. De bèste kloonj/goochelaer van Belsj “Jo Derijk” zal dit jaor vuur de nudige humor en show zörrege. De dansmariekes van Bree, en zieëker de Roodkapjes en de Kapoenen zulle same mèt de 499 aanwezige Weimeskes de zaal weer op zènne kop zètte. De kènjerzitting zal dit jaor weer geprissenteerd wieëre door Groeëtridder Erven.
Nów vuur dit sezówn is det de “Awt-Jeugdprinse vereiniging” zal vuurgestèld wieëre !
Es diech nog gein kostumpke klaor höbs, wuurd het ti-jd óm paa of maa stilaan aan hunne jas beginne trèkke.
De duure van de Wammestempel goeën óm 13 uur oeëpe.
5. De pronostikke in de echte Mezeiker carnavalscafé’s en oppe site dri-jje op vol toore ; nog alti-d stoeën der versjillende kandidate hoeëg in de running, en wuurd ter nog drök gespikkeleerd. Laot uch (mis)li-jje doeër de tips vuur de nówwe Prins 2012 :
(1) het is ei sjoeën jônk
(2) hae vunk zellef det tip 1 neet jus is
(3) muzikale maneuvers……mer leefs in het dujster
(4) tillevisie vunk hae mer niks….. radio dao tieëgenuver….
(5) hae is op väöl vlakke grensverlègkend
(6) werkelik, hae stuk ter boeëve ówt !
en volgende wieëk dus auch de lèste tips vuur de nówwe Jeugdprins !
Vorst John
en de Groeëtridders van Het Heilig Wammes
Vrijdag, 13. Januari 2012
Carnavalsconcert
vr. 17 februari 2012 om 20.11 uur
Cultuurcentrum Achterolmen Maaseik
De zesde editie van het Carnavalsconcert wordt - net als in 2010 - weer een enthousiaste samenwerking tussen het Cultuurcentrum Achterolmen Maaseik, Het Heilig Wammes en de Koninklijke Harmonie Concordia Maaseik.
Het imposante orkest staat onder leiding van dirigent Frank Boonen.
Wiel Janssens en Hilde Smits staan in voor de ludieke bindteksten in het Maaseiker dialect.
Het repertoire bestaat traditioneel uit een geslaagde combinatie van bekende klassieke meesterwerken, carnavalsliedjes zoals Sterk es Eik en wordt steevast afgerond met Het Limburgs Volkslied. De cornet-solo van Raf Van Looveren tilt het instrumentale gedeelte naar een eerste hoogtepunt.
Twee vokale topsolisten zorgen voor een onvergetelijke avond.
De Nederlands-Limburgse tenor Ivo van der Bijl trad reeds op in het Stadtteater van Aken en was te zien in producties van Opera Zuid, André Rieu en in tal van Promsconcerten.
Hij brengt ondermeer What now my love, Feeling Good van Michael Bublé en een medley van Maaslandse carnavalsliedjes.
De internationaal bekroonde Vlaamse sopraan An Lauwereins is niet enkel thuis in de klassieke muziekwereld. Zij creëerde ook tal van hoofdrollen in Vlaanderen en Nederland van o.a. The Sound of Music, Les Misérables, Jekyll & Hyde en vertolkte de rol van operadiva Carlotta in The Phantom of the Opera op de Londense West End!
Tijdens het Carnavalsconcert toont ze haar veelzijdigheid met vertolkingen van o.a. een musicalsong van Leonard Bernstein, filmmuziek uit La Vita e Bella en Dit is de allereerste keer van Rita Deneve. Samen met Ivo van der Bijl brengt ze de meeslepende duetten Just show me how to love you, Vivo per lei en Amigo para siempre.
De avond gaat muzikaal van start in het theatercafé ’t Derde Balkon vanaf 19.30 uur met een smaakvol optreden van het Saxofoonensemble van de Stedelijke Academie voor Muziek en Woord o.l.v. Patrick Warson.
Tickets: €12 / €10 26-min en 60-plus via 089/569956 of achterolmen@maaseik.be
Maandag, 9. Januari 2012
Leef Wammesse en Weimeskes, ze kómme waal !
1. De väörverkoup van de Groeëte Prinsenzitting löp volop bi-j Hotel van Eyck. És gieë nog kaarte wilt koupe, wach den neet langer, de Zitting is al op 21 jannewari ! Der zeen vuurluipig nog plaatse besjikbaar, mer spooi-j uch !!!!
Gieë kènt vuur de polsbèndsjes alti-jd terech aan de resepsie, ónger de gewuun oeëpeningsore..
2. Wieë wille uch gaer nów al ei paar praktisse afspraoke doeërgieëve :
- der maag neet mieër geparkeerd wieëre op de “spuulplaats”. Er is genóg rujmte op de gewuun parkings.
- Zeet auch op ti-jd aanwezig, en draag eur polsbèndsje, óm eine vlotte doeërgank aan den inkom te verzieëkere. Duure zeen oeëpe vanaaf 19.30 ore.
- LET OP !!!! Auch dit jaor zal vuur 1 oor ’s nachts neemes mieër in de zaal wieëre tówgelaote zónger polsbèndsje.
3. Op het pregram van de Groeëte Prinsenzitting stoeën o.a. neemes minder es Ziesjoem, dans en show doeër de Broeveskènjer, het bekènde Duo Owtgesloape, de Baeker Hofkapel, Domm & Dööl, en óndanks alle vurige berichte zulle “de ambiancemakers van Vlaondere” De ROMEO’s toch aanwezig zeen !
Nateurlik ontbrik het auch neet aan Mezeiker talent mèt o.a. de Hubertjeukes, Wiel & Baer, de Awt Prinse, Het Heilig Wammes,….
4. In ’t groeëtste geheim bereid de nówwe Prins zich vuur op zi-jn ieërste optriej-je, en hae is ter klaor vuur ! De pronostikke in de Mezeiker carnavalscafé’s en op ózze site drèjje op vol toore ! Doot zellef ouch ins ei gokske…..in't cafe of op ooze site !
4. De nówsten tip vuur de Prins 201 : “hae is op väöl vlakke grensverlègkend”.
En vuur de Jeugdprins : “zi-jnen druim geit waorheid wieëre ”.
5. Volg auch regelmaotig de lèste informasie op ozze website : www.heiligwammes.be
Vorst John
en de Groeëtridders van Het Heilig Wammes
© Heilig Wammes Maaseik 2011
