Ós lèste nówts
Zaterdag, 20. Maart 2010
"DE SJOEĖNSTE HAWFVASTESTOET IN JAORE !!!!!!
1. Op zóndig 14 mieërt trok ozze 134ste Internasjonale Hawfvastestoet doeër de straote van Mezeik. Z.D.H. Prins Pierre V en Jeugdprins Lars I mochte op hun sjitterende Prinsewagens doeër de Mezeiker bènnestad trèkke. Zelfs het get tieëgevallend waer kos gein aafbreuk doon aan ein spetterende ambiance.
2. Vuuraafgaond waerde op vri-jdigaovend doeër de wi-jk Wörfeld de Prinsewagen aan Jeugdprins Lars I uverhandigd. Hae waas terecht fier op zi-jne wagen mèt hofdames én op zi-jn wi-jk, di-j auch de uverhandiging fijn verzörgd haw.
3. Op zaoterdig waas het de beurt aan Z.D.H. Prins Pierre V. De wi-jk St. Janslouperbempden sting nao de ówtroping van Pierre op 16/1 vuur ein enorm ówtdaging. Dank zij het entoesiasme van zi-jn wi-jk waas het resultaat eine prachtige, unieke wage óntwórpe doeër Gerard Segers, mèt es thema ein betóng-trómmel. 250.000 ruuskes woeëre éin vuur éin tot ei prachtig gehieël ómgevormd. Einen dikke prefi-jsiat !
4. Vuural de Mezeiker deilname waas absolujt sjitterend ! De groepe woeëre ówtzónderlik prachtig en de diverse Einzelgängers woeëre hieël erg origineel. De volledige ówtslaag kènt gieë volgende wieëk in de Knapkook vènge en auch elders op deze site, mer eigelik woeëre der allein mer wènnaers. Het jureren waas nog nooi-jt zóeë meujlik.
5. De Orde van Verdeenste ging dit jaor nao Jean-Pierre Gielen. Al mieër es 20 jaor zörregt hae mèt zi-jn Z.H. Jus ter Langs vuur mezi-jk en plezeer in MSK. Vurige zaoterdig nog sting hae auch in vuur de organisasie van Janse Bagge Bend in de Fuego. Raej genóg dus om J-P dees hoeëg Mezeiker Carnavalsorde tów te kènne. Jean-Pierre, bedankt en profi-jsiat !!!
6. Nów berge wieë oos mötse op tot 11 november.
TOT VOLGEND CARNAVALSEIZÓWN !
Vorst John
en de Groeëtridders van Het Heilig Wammes
