Leef wammese en weimeskes

Kommende zóndig is het zoeë wu-jd, dèn trekt ooze hawfvastestoet doeër de straote van Mezeik. Dao zeen 66 deilnömmers, sjoeën verdeild uuver groepe en waages van Mezeik en van bouwte Mezeik. Wieë gieëve uch auch ei paar praktische zaakes mèt – het centrum van Mezeik is aafgesloeëte vuur alle verkieër vanaaf 12 ore ’s middigs. Hauwt dao estebleef rieëkening mèt. De inkom is 4 Euro, kènjer tot 12 jaor zeen gratis. Volg auch estebleef de omlei-jing di-j d`r is, en auch de instructies di-j gegieëve wieëre doeër de ordedeenste, en dèn kènne wieë allemaol geneete van eine fi-jne daag en ei geweldig fieës. Wieë zeen aafgelouwpe zaoterdig met oos prinse nao Heppenaert gewaest om dao ei kieërske te branne vuur sjoeën waer kommende zóndig, en wi-j het op dit augenblik òwt zu-jt geit dèt auch lökke.
Oos gezèt zeen ze op dit moment aan het rond brènge. Höb gieë eine stikker op eur breevebös van geine reklaam, dèn kri-jgt gieë dees gezèt neet. Wilt gieë d`r waal ein höbbe, contacteer dèn eemes van de Groeëtridders, en dèn brènge wieë dit in orde.
De uuverhandiging van de prinsewaages dèn. Op vri-jdig 13 mieërt om 19.11 ore bi-j Aveve Paumen oppe Wieërtersteinwieëg kri-jgt Jeugdprins Wout I en Jeugdprinses Julie I hunne waage uuverhandigd. En op zaoterdig 14 mieërt om 20.11 ore kri-jgt ooze Prins Gijs I zi-jne waage uuverhandigd, en dit geit doeër in de hal bij Vass Carservice oppe Diestersteinwieëg.
Wieë hoeëpe wieë uch zondig in hieël groeëte getalle in Mezeik te mooge treffe, en laot oos d`r ei geweldig fieës van maake.

 

De Vorst en Groeëtridders van Het Heilig Wammes